2008年12月11日 星期四

靠自己

金融海嘯,靠阿爺放水! 救零售,谷旅客,搵阿爺放人!不夠票,怕出局,更要請阿爺出手配票!

今天,不只特首要睇阿爺台戲,小商人、打工仔,誰人不向北望?那港式普通話,大概跟經典的「try my breast 」無異(然而,官員們還在驕傲地朗讀著);「煙酒、煙酒」,少食變小食;衙門多,交學費交到頭昏腦脹,照樣打落門牙和血吞,心甘命抵照北望。

總之,人同此心,都是一樣的信念──北望神州!經濟政治以至庶民口味,同樣勢不可擋。

當潮流變成真理,突然有人化身西裝版「阿叻」,一邊頭側側,一邊眉戚戚地訓示全港市民說:「我好憎靠人哋,香港人唔應該成日問阿爺攞嘢。」此人就是電視界新貴,和維基百科一樣對阿爺「寸爆」的王維基是也。

攞得著數,當然要還,香港人哪會不知?只是「背靠祖國」靠慣了,王說的甚麼面子、本事,或已拋諸腦後。

靠自己,其志可嘉,香港人應可以此共勉。 只是,那大香港主義定當已刺激到不少人的神經。

電視台此戰略性資產能否逆流而走?阿爺最終都放了維基百科一馬,且看此王維基可有同樣的實力和運氣吧。

1 則留言:

過內人 提到...

不靠北水,也不等於要跟北大人打對台。

既然張永霖話公司要走出香港,面對全世界,若事成的話,華人在世界上有多一個平台發聲,北大人應該支持才是。

我自己個blog都講過,佢兩個人未必會淨係睇香港個市場。無線有壓倒性嘅收視,都唔見得搵錢易,畀你亞視攞到一半收視,咁兩間台都平分,咁咪即係兩個台都一齊死,佢兩條友唔識計呢條數。