2009年3月12日 星期四

14歲媽媽

港版14歲媽媽,在網上盡訴心中情,並展貼多幀腹鼓隆隆的照片,惹來一番網絡欺凌——謾罵、嘲諷、詛咒,兼而有之。有人罵她不知廉恥,敗壞風氣,禍延下一代,並由網上鬧到報章上。

一發不可收拾的噓聲,大家或會說,是少女自招的。如果她像張栢芝一樣,自我判監守行為,待BB出世後返過來怒插BB的父親,她定會贏盡同情分,人氣急升。 但她不懂計算。 又如她像政府反家庭暴力宣傳片中的阿蓮一樣,完全失去自我,從不發聲,頭也不敢抬的話,她該可避過這場公審。但她,像大部分新生代一樣,勇於(至少在網上)表達自己。

她生於上網多過打電話的年代,隻身寄居於「母親的抉擇」宿舍,網上訴說心路歷程,或許因為悶得發慌,或許有感患得患失,或許源於渴望被明白,被關愛,被支持,更大有可能全部都是,卻被嚇得落荒而逃,短短兩三日內即被迫刪除網誌,閉關自守。否則,網民大概差點就要推出又一惡搞新猷——「浸豬籠」短片,把她置諸死地了!

少女以前所讀的中學校長說得好:「就算幾曳學生都好,你錫佢,佢會知道」,並謂少女願意的話,學校的大門常開。

我為那位校長鼓掌,慶幸教育界未有發表諸如「學生已經離開本校xx個月,本校不宜評論」等怎麼樣聲明,更願校長多走一步,不要只等人家回頭是岸,親自把她帶回校園吧!

阿瑩,祝你同BB好運。

4 則留言:

bittermelon 提到...

從淫照事件至14歲媽媽這事,反映出網絡文化其實就像塔理班一樣,莫非真的要迫到當事人出事甚至自殺才安樂?

陳大文部落 提到...

而家香港地,真係好興玩一樣嘢,叫做『道德公審』...

但又很吊詭地,一個夕夕無名的靚妹被人搞大個肚,公眾會噓聲四起,恨不得『拿起道德鋤頭』,口誅筆伐也。

但如果係一個靚女明星(仲要當紅 ~),被人搞大肚呢,公眾就會『路見不平』、『熱血沸騰』、『起義聲援』、還要來個『人民公審』,可歌可泣....

果位校長已經好難得,佢真係明白『求學不是求分數』....

方潤 提到...

我比較想知道個校長係邊個、係邊間學校。

依家有人講返句人話,算係好難得。

陳大文君﹕
我諗「道德公審」既關鍵,就好似文革批鬥咁,要你比群眾暴民更冇尊嚴而已。
所以如果你學張柏芝咁,扮晒罪人認晒錯(明明係你地偷窺佢都要佢認錯﹖我就唔信佢真係覺得自己錯),咁D人又突然會流下鱷魚淚、同情你了。
呢個女仔被針對,好大程度係因為佢並無流露出「悔意」、冇自我踐踏(我真係淫賤、搞到今時今日咁都係抵我死),於是大家(連同所謂學者專家)就每人各補一腳踩上去。

Gedeemer 提到...

「為那位校長鼓掌」。

我真係完全唔理解,點解可以咁多道德塔利班?香港究竟發生咩事?