2009年8月17日 星期一

肉彈與肉丸

繼「書」展、動漫展後,暑假第三檔期的摩登墟市又昂然進駐會展-美食博覽是也。排隊入場的瘋狂粉絲,由宅男少年,換上他們的長輩,並以師奶兵團為骨幹擁躉。客群有所不同,年青的追求「精神」食糧,年長的尋覓「口腹」食糧,兩者都為食糧?才不!都是血拼目標而已!

 且看兩代人如何像由同一鼻孔出氣︰ 個個扮空姐——拖著滑輪行李箱掃貨。

 人人貪特價——貴多不貴精,是重要的血拼哲學。

 唔買都試下——打書釘與試食,當然是參觀展覽會的必殺技。畀成廿五蚊入場喎,梗係要睇個夠、食餐飽!

只是,美食博覽在宣傳上,尚遜一籌。比方說,facebook竟不見「把高鹽高糖高脂肪高味精零纖維食肥小朋友無益食物踢出美食博覽」的群組,輿論又無高聲疾呼要求美食博覽負起推動健康飲食而非junk food之重任。

早前因肉彈攬枕大賣而破口大罵的家長,現或為那一蚊一百粒肉丸而瘋狂。或許,他們最終會發現,子女們的品味、血拚的狂態,甚具他們的影子。

5 則留言:

陳大文部落 提到...

可唔可以叫周秀娜賣肉丸....(我指真係一粒粒果啲肉丸)

好嘢 ~~~~

Hoito 提到...

兩邊不過都係貪平,執平野
有乜老豆老母就有乜子女
有乜子女就有乜老豆老母
我倒想知道當中既師奶係出自咩階層。

繆美詩 rachel miu 提到...

搶購的,都不是必需品
某程度上,其實都是junk food,for soul and body
卻都為此"批肘","爭蹦頭",方死執輸也
兩者有乜分別?

黃世澤 Martin Oei 提到...

小弟同意Rachel的是,中年和少年人怕執輸的心態確是「薪火相傳」。

陳大文部落 提到...

師奶在美食節搶購無厘頭「食品 / 美食」,與書展一眾少男搶購o靚模寫真集,本質上是大不同的:


1. 師奶真心以為「平嘢」就值得去搶,甚至價格可能比外面還要貴,只要口號叫「大減價」,即使買來未必會食,一樣照「搶」,怕唔搶購會執輸。


2. 但少男搶購寫真集,好大程度上( 其實直頭係 ) 平時受性壓抑太多,所有壓力都太多,於是透過買o靚模寫真來減壓。

少男買了寫真後,「真係有用」的....

至於用嚟做乜,um...總之有用啦下。

( 嗱,我無講有咩用㗎 )