靠自己

金融海嘯，靠阿爺放水！ 救零售，谷旅客，搵阿爺放人！不夠票，怕出局，更要請阿爺出手配票！

今天，不只特首要睇阿爺台戲，小商人、打工仔，誰人不向北望？那港式普通話，大概跟經典的「try my breast 」無異(然而，官員們還在驕傲地朗讀著)；「煙酒、煙酒」，少食變小食；衙門多，交學費交到頭昏腦脹，照樣打落門牙和血吞，心甘命抵照北望。

總之，人同此心，都是一樣的信念──北望神州！經濟政治以至庶民口味，同樣勢不可擋。

當潮流變成真理，突然有人化身西裝版「阿叻」，一邊頭側側，一邊眉戚戚地訓示全港市民說：「我好憎靠人哋，香港人唔應該成日問阿爺攞嘢。」此人就是電視界新貴，和維基百科一樣對阿爺「寸爆」的王維基是也。

攞得著數，當然要還，香港人哪會不知？只是「背靠祖國」靠慣了，王說的甚麼面子、本事，或已拋諸腦後。

靠自己，其志可嘉，香港人應可以此共勉。 只是，那大香港主義定當已刺激到不少人的神經。

電視台此戰略性資產能否逆流而走？阿爺最終都放了維基百科一馬，且看此王維基可有同樣的實力和運氣吧。